Xitay metbu'ati, si'aqchilar teripidin öltürülgenlerning isimlirini élan qildi

Xitay metbu'atliri yekshenbe küni yéqinda dongjyu yézisida, mezkur yéza ahalisi teripidin élip bérilghan bir naraziliq herikiti jeryanida,xitay saqchiliri teripidin étip öltürülgen üch kishining isimlirini élan qilip, yéza ahalisi bilen xitay saqchiliri otturisida qanliq toqunushning kélip chiqish sewebliri heqqide melumat berdi.

Kishilik hoquq teshkilatliri we pa'aliyetchiliri xitay hökümitidin -6 dékabir küni dongjyu yézisida xitay saqchiliri teripidin öltürülgen kishilerning isimlirini élan qilishini telep qilghan idi. Xitay hökümiti mezkur weqede üch kishining ölgenlikini bayan qilmaqta. Emma yéza ahalisining éytishiche, naraziliq herikiti jeryanida xitay saqchiliri teripidin öltürülgen namayishchilarning sani 20 kishige yétidiken. Xewerlerge qarighanda, xitay saqchiliri weqede ölgen bezi kishilerning a'ililirige, eger derhal köydüriwitishke maqul dése, jesetni tapshurup béridighanliqini éytqan.

Amérika birleshme agéntliqining xewer qilishiche, xitay rehberliri dongjyu yézisida yüz bergen weqedin qattiq endishe qilip, naraziliq herikiti jeryanida namayishchilargha oq chiqarghan saqchi qisimlirining qomandanini tutudighanliqini, yéza ahalisining teleplirini orundaydighanliqini bildürgen. (Eqide)