Xitay hökümiti ötken yili besh ming ademge ölüm jazasi ijra qildi

Bash shitabi romdiki "ölüm jazasigha qarshi" kishilik hoquq teshkilati, xitay hökümitining ötken yili besh ming ademge ölüm jazasi ijra qilghanliqini bildürdi.

Mezkür teshkilatning éytishiche, bu san ötken yili pütün dunyada ölüm jazasigha ijra qilin'ghanlarning ٪ 90 ini igileydiken.

Amérika birleshme axbarat agéntliqining mezkur teshkilatning melumatlirini neqil keltürishiche, xitay hökümiti ölüm jazasini eng köp qollinidighan dölet bolup, qatildin tartip, oghri we hetta bezi zorawanliq jinayetlerni ötküzmigen jinayetchilergimu ölüm jazasi béridiken. Ölüm jazasi ijra qilin'ghanlarning eng kichiki 16 yashlarda iken.

Uyghur kishilik hoqoq pa'aliyetchiliri, xitay hökümitining öz diniy we siyasiy köz qarashlirini ipadiligen Uyghurlarni " bölgünchi" we " térrorchi" digen namlar bilen eyiplep, ölüm jazasi bériwatqanliqini qattiq eyiplimekte.

" Ölüm jazasigha qarshi" kishilik hoquq teshkilati, xitaydin sirt yene, iran, iraq, wéytnam, amérika we se'udi erebistan qatarliq döletlerningmu ölüm jazasini köp qollinidighanliqini bildürgen. (Arzu)