Xitayda ölüm jazasini tedbiqlash hoquqini ali sot ötküzüwalidu
2005.09.27
Yerlik sot mehkimilirining ölüm jazasini suyi'istémal qilish weqeliridin kéyin, xitay ali sot mehkimisi yerlik sotlarning ölüm jazasini tedbiqlash hoquqini ötküziwalidighanliqini jakarlidi.
Roytérs axbarat agéntliqining xewer qilishiche, ali sotning mu'awin bashliqi wen éshyang, ali sotning qarmiqida ölüm jazalirini közdin kechüridighan 3 kolligiye qurulidighanliqini bildürgen.
Bezi da'iriler, ölüm jazasini tedbiqlash hoquqini ali sot ötküziwalghandin kéyin, xitayda ölüm jazasining 30 % aziyidighanliqini ilgiri sürmekte.
Uyghur aptonom rayoni xitay boyiche, siyasi mehbuslargha ölüm jazasi bériliwatqan birdin - bir rayon bolup hésablinidu.
Wen éshyangning tekitlishiche, bu tedbir ölüm jazasini tedbiqlash jeryanining biterepliki we siyasi organlarning arlishishidin saqlinishni meqset qilidiken.
Xitayda her yili ölüm jazasigha höküm qilin'ghanlar minglargha we bezi chaghlarda on minggha yétidu. Uning üstige ölüm jazasini tedbiqlash hoquqi her qaysi ölke we aptonom rayonlarda yuqiri sotning ilkide bolup, ali sotning tedbiqlishidin ötküzülmeytti.
Wen éshyang, ölüm jazasini bikar qilish mesilisi boyiche bésimigha duch kéliwatqanliqini eskertip, yéngi esirde kona usul boyiche jinayetchining jazasini hayati bilen tölitish kishilerni chongqur shubhilendüridighan mesile bolup qaldi” deydu. Emma bash ministir wén jyabaw, bu yil 3 - ayda ölüm jazasining bikar qilinmaydighanliqini tekitligen. (Erkin)
Munasiwetlik maqalilar
- Xitay zeherlik chékimlikke qarshi turush küni munasiwiti bilen memliket boyiche ölüm jazasi ijra qildi
- Xitay 2004 - yilda ölüm jazasi ijra qilishtiki rékortini saqlap qaldi
- Xitay bash teptishi, mehbuslarni qiynap iqrar qildurushni toxtitishni telep qildi
- Sichüen soti qiyin- qistaq arqiliq érishken jinayi pakitlarni ishlitishni cheklidi
- Xitay emgek bilen özgertish sistémisini islah qilishi mumkinlikini bildürdi