Хитай алий сот мәһкимиси өлүм җазасини азайтиш керәкликини ейтти


2005.10.26
Share on WhatsApp
Share on WhatsApp

Хитай алий сот мәһкимә башлиқи шяв яң, өлүм җазасини хата иҗра қилип қоюшниң алдини елиш үчүн, дөләтниң өлүм җазасиниң санини азайтиши керәкликини билдүрди.

Хитай мәтбуатлириниң елан қилишичә, алий сот мәһкимә башлиқи шяв яң бу сөзлирини хәлқ вәкилләр қурултийи йиғинида оттуриға қойған болуп, у йәнә өлүм җазасини қисқартиш яки болмиса уни муддәтсиз қамақ җазасиға өзгәртиш лазимлиқини көрсәткән.

Өлүм җазасини қайта тәкшүрүш сестима ислаһати нөвәттә хитайниң әдлийә ислаһатидики муһим бир нуқта болуп, хитай алий сот мәһкимиси йеқинда бир қисим ислаһат тизислирини елан қилип, өлүм җазасини бекитиш һоқуқини алий сот мәһкимисигә қайтуривалғанлиқини җакарлиған иди.

Хитай дунядики өлүм җазасини әң көп қоллинидиған дөләт болуп, хәлқара кәчүрүм тәшкилатиниң билдүришичә, хитайда өткән йили 1760 дин көп кишигә өлүм җазаси берилип, уларниң 700 дин көпи етип ташланған. Әмма әмәлий сан хитай елан қилған бу сандин хели җиқ болиши мумкин. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.