Xitay aliy sot mehkimisi ölüm jazasini azaytish kéreklikini éytti


2005.10.26
Share on WhatsApp
Share on WhatsApp

Xitay aliy sot mehkime bashliqi shyaw yang, ölüm jazasini xata ijra qilip qoyushning aldini élish üchün, döletning ölüm jazasining sanini azaytishi kéreklikini bildürdi.

Xitay metbu'atlirining élan qilishiche, aliy sot mehkime bashliqi shyaw yang bu sözlirini xelq wekiller qurultiyi yighinida otturigha qoyghan bolup, u yene ölüm jazasini qisqartish yaki bolmisa uni muddetsiz qamaq jazasigha özgertish lazimliqini körsetken.

Ölüm jazasini qayta tekshürüsh séstima islahati nöwette xitayning edliye islahatidiki muhim bir nuqta bolup, xitay aliy sot mehkimisi yéqinda bir qisim islahat tizislirini élan qilip, ölüm jazasini békitish hoquqini aliy sot mehkimisige qayturiwalghanliqini jakarlighan idi.

Xitay dunyadiki ölüm jazasini eng köp qollinidighan dölet bolup, xelq'ara kechürüm teshkilatining bildürishiche, xitayda ötken yili 1760 din köp kishige ölüm jazasi bérilip, ularning 700 din köpi étip tashlan'ghan. Emma emeliy san xitay élan qilghan bu sandin xéli jiq bolishi mumkin. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.