Xitay kompartiyisining yuqiri derijilik bir ayal emeldari ölüm jazasigha höküm qilindi


2005.12.16
Share on WhatsApp
Share on WhatsApp

Xitay metbu'atlirining jüme küni xewer qilishiche, xitay kompartiyisining ölke derijilik bir ayal emeldari xitay sot mehkimisi teripidin para élish jinayiti bilen eyiblinip ölüm jazasigha höküm qilin'ghan.

Xéylongjyang ölkilik partkomning mu'awin sékrétari xen guyji peyshenbe küni béyjing sheherlik 1 - ottura xelq sot mehkimisi teripidin ölümge höküm qilinip, ikki yil kéchiktürüp ijra qilish jazasi bérilgen.

Xen guyji, teptish da'iriliri teripidin 1992 -yildin 2002 - yilghiche 7 milyon yü'en para élish bilen eyiblen'gen bolup, sot mehkimisi teptish da'irilirining eyiblishini qobul qilghan. Xen guyji, eyni chaghda ölkilik partkomning mu'awin sékrétari bolush bilen birge, ölkilik siyasi meslihet kéngishining re'isi idi.

Xitay kompartiyisining 69 milyon ezasi ichide ayallar 18 % ni igilisimu, emma siyasi biyuroning 9 kishilik da'imiy ezaliri ichide ayallar yoq. Xen guyji, xitay sot mehkimisi teripidin xiyanetchilik qilish, para élish bilen sotlan'ghan ölke derijilik birdin bir emeldar emes. Uyghur aptonom rayonining sabiq mu'awin re'isi aman hajimu, nöwette lenju ottura xelq sot mehkimisi teripidin gensuda sotlanmaqta. Sot mehkimisining uning heqqidiki hökümi hazirghiche élan qilinmighan bolsimu, emma közetküchiler aman hajining néme üchün gensuda sotlan'ghanliqigha guman bilen qarimaqta.

Bezi közetküchiler, aman hajini aptonom rayon partkomining ichkiy qismidiki siyasiy küreshning qurbani, dep qaraydiken. Bu köz qarashtikiler, chünki u wang léchü'enning chishigha tégip qoyghan bolushi mumkin, dep qarimaqta. Xen guyji bilen birge xéylongjang ölkisining sabiq ölke bashliqi tyen féngshenmu sotlan'ghan , uning soti seyshenbe küni bashlandi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.