Xitay ölüm jazasi bérilgen délolargha ochuq sot échishni qarar qildi

Xitay aliy sot mehkimisi 1‏-iyol künidin bashlap, ölüm jazasi bérilgen délolar üstidin ochuq sot échishni qarar qildi.

Xitay aliy sot mehkimisining bashliqi shyaw yangning bildürishiche, bundaq qilishtiki meqset, ölüm jazasi bérilgen délolarni bir terep qilish süpitini yuqiri kötürüsh we sot jeryanining éniqliq derijisini ashurush iken. Bu yéngi belgilime boyiche, buningdin kéyin hetta ölüm jazasi bérilgen délolarning sot jeryani sin'alghugha élinidiken.

Xitay aliy sot mehkimisining bashliqi shyaw yang yene, ötken yilidiki memliketlik xelq wekiller qurultiyida, ölüm jazasini xata ijra qilip qélishtin saqlinish üchün, ölüm jazasi bérish sanini azaytish tekliwini otturigha qoyghan idi.

Xelq'ara kechürüm teshkilati nechche yillardin buyan xitayni dunya boyiche ölüm jazasini eng köp qollinidighan dölet dep eyiblep kelgen. Shundaqla xitay boyiche birdin-bir Uyghur élide siyasiy mehbuslargha ölüm jazasi bérilidighan bolup, bu heqte Uyghur pa'aliyetchiliri kishilik hoquq teshkilatliri bilen bir awazda xitayni köp qétim eyiblidi. (Peride)