Xitay aliy sot mehkimisi ölüm jazasi bérishni békitish hoquqini qayturuwaldi

'Roytrs agéntliqi'ning 31‏- öktebir küni béyjingdin xewer qilishiche, xitay aliy sot mehkimisi bügün ölüm jazasi höküm qilishning eng axirqi tekshürüp békitish hoquqini jaylardiki sot mehkimiliridin qayturup alidighanliqini jakarlighan. Bash sotchi shawyangning bayan qilishiche, bu islahat uzun waqit tepekkur qilish arqiliq andin döletning qanunigha kirgüzülgen. Bu madda kelgüsi birinchi ayning 1 - künidin bashlap küchke ige bolidiken.

Xewerde bayan qilinishiche, xitayda heryili ölüm jazasi bérilgen adem sani 5 mingdin 12 mingghiche. Yene bir alahidilik shuki, yéqinqi yillardin buyan xitayda ölüm jazasi bérilgen adem sanining 91 % i ötken 18 ay ichide yüz bergen. Bu nisbet dunya buyiche eng yuqiri dep hésablinidu. Buni islah qilish mesilisi, gerche xéli burunla döletning qanun tüzüsh tarmaqlirida muzakirige qoyulghan bolsimu, emma uning testiqlinishi nahayiti asta bolghan. (Weli)