Xitay xelq'ara kechürüm teshkilatining teshebbüsige qarimastin ölüm jazasini saqlap qalidighanliqini bildürdi

Xitay aliy xelq sot mehkimisining emeldari shaw yang peyshenbe küni": dölitimiz ölüm jazasini bikar qilmasliq sherti astida , mezkür jazani éhtiyatchanliq bilen ijra qilidu" dédi .

Yéqinda xelq'ara kechürüm teshkilati, xitayning ölüm jazasini bikar qilishini teshebbüs qilish bilen birge , xitayning ölüm jazasi islahatining héchqandaq emeliy rol oynimaywatqanliqini bildürgen idi.

Biraq sha'aw yang, " junggu jinayi ishlargha zerbe bérish kürishini qattiq élip baridu , emma ölüm jazasidin ibaret bu tüzümni ünümlük qollinidu, ölüm jazasini saqlap qélish bilen birge ölüm jazasini qattiq kontrol qilish, jungguning jinayi ishlargha zerbe bérishtiki tüp siyasiti" dep tekitlidi.

Shaw yang yene xitayning ölüm jazasi siyasitini aqlap ": éghir jinayet ötküzgenlerge ölüm jazasi bérish, dölitimizning bixeterliki we xelq menpe'etini qoghdashta qollinidighan muhim waste" dédi.

Kishilik hoquq teshkilatliri izchil türde xitayning " ölüm jazasi" ni tenqidlep kéliwatqan bolup, Uyghur milliy herikitining siyasiy yétekchisi rabiye qadir xanimmu aldi bilen xitaydin, Uyghur siyasiy mehbuslirigha ölüm jazasi bérishni qet'iy toxtitishini telep qilmaqta.

Xitay, siyasiy mehbuslarni ölüm jazasi bilen eng köp jazalaydighan asasliq döletlerdin biri hésablinidu. (Eqide)