Xelq'ara kechürüm teshkilati yawropa ittipaqini ölüm jazasini emeldin qaldurush jehette xitay we bashqa asiya döletlirige bésim ishlitishke qistidi


2007.05.28
Share on WhatsApp
Share on WhatsApp

Xelq'ara kechürüm teshkilati, yawropa ittipaqini yawropa ittipaqi we asiya döletliri tashqi ishlar minstirliri söhbitide, ölüm jazasini emeldin qaldurush jehette xitay we bashqa asiya döletlirige bésim ishlitishke qistidi.

Kechürüm teshkilati gérmaniye tashqi ishlar ministiri firenk - waltér stéyinméyér (Frank- Walter Steinmeier) ge yollighan mektubida, xitay we asiya döletlirini ölum jazasini emel qaldurushta " alahide tirishchanliqi körsitish" ke dalalet qilip: "asiya yenila ölum jazasi yürgüzüshte bashlamchi qit'e süpitide mewjut bolup turmaqta. Ésish, étish we okul urush qatarliqlar ularning tipik misalidur" dep tekitlidi.

Ikki kun dawam étidighan bu nöwetlik yawropa- asiya döletliri bash ministirlirining uchrishishi gérmaniyining hamburg shehride échiliwatidu. Bu uchrishishta, kishilik hoquq, hawa-kilimat özgirishi, soda-énérgiye munasiwetlirini kücheytish we xelq'araliq mesililerdin iran, koriye yadro qorulushi qatarliqlar négizlik otturigha qoyilidu.

Kechürüm teshkilati, sin'gaporningmu ölum jazasi yürgüzüshi dunya buyiche aldinqi qatarda turidighanliqini qeyt qildi we xitayda ijra qiliniwatqan "mexpiy qetli qilish" ni qattiq eyiblidi.

Xelq'ara kechürüm teshkilati yawropa ishxanining bashliqi, dik osting (Dick Oosting), nurghunlighan asiya döletlirining térrorluqqa qarshi turush we zeherlik chékimlikke zerbe bérish heriketlirini ölum jazasi yürgüzüshtiki kozur qilip ishletkenlikini körsetti.

Uningdin bashqa kechürüm teshkilati stéyinméyérni yene, karbon töt oksidining atmosféragha qoyup bérilishini kémeytish jehette xitay we hindistan'gha bésim ishlitishke chaqirdi.(Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.