Xitayda tebi'iy apetler tüpeylidin ölgenler sani kündin - kün'ge köpeymekte

Xitayda tebi'iy apet we her xil hadisiler sewebidin ölgen ademler sani intayin köp bolup, shinxu'a agéntliqining 17 - iyul künidiki xewirige asaslan'ghanda, xitayda bu yil 90 milyon adem kelkün apitining tesirige uchrighan. Kelkün apitide ölgen adem sani 764 ge, iz - dériki bommighanlarning sani 191 ge yetken.

Xitay memliketlik apettin qutquzush qomandanliq shitabi mes'ulining bildürüshiche, bu yil kelkün apiti tüpeyli ölgen adem sani 10 yildin béri eng yuqiri pellige yetken.

Xitayda yüz bergen kelkün apitidin bashqa yene, kan apiti we qatnash weqesige oxshash her xil hadisilerde ölgenler sanimu intayin köp bolup, bu yilning aldinqi yérim peslide kan hadisiside ölgen adem sani 2672 ge yetken.

Fransiye agéntliqining xewirige qarighanda, xitay yene, dunya boyiche qatnash weqesi eng köp yüz béridighan döletlerning biri hésablinip, ötken yili xitay boyiche 100 ming adem qatnash weqesi sewebidin hayatidin ayrilghan . (Eqide)