Бейҗиң һөкүмити олимпик мусабиқиси җәрянида тәнһәрикәтчләрниң пикир әркинликини чәклимәкчи


2008-01-01
Share

Йеқинда явропадики голландийә қатарлиқ дөләтләрдә, хитайниң кишилик һоқуқ рикортини әйибләйдиған җиддий һәрикәтләр йүз бәргән вә хитай әгәр кишилик һоқуқ һәққидә дуняға бәргән вәдисидә турмиса, олимпик мусабиқисини байқут қилишқа чақиридиған бир қатар тәшәббуслар оттуриға қоюлған иди. Бирләшмә агентлиқниң белигийидин йоллиған хәвиридә ейтилишичә, бейҗиң һөкүмитиниң олимпик мусабиқиси җәрянида һәммә тәнһәрикәтчиниң сиясий мәсилиләрдә пикир баян қилишиға рухсәт қилмайдиғанлиқини җакарлиғанлиқиға асасән, белигийә олимпик комитети 1 ‏- айниң 23 ‏- күни белигийә тәнһәрикәтчилири бейҗиң һөкүмитиниң пикир әркинлики җәһәттә чәклимә қоюшиға дуч келиш еһтимали барлиқини уқтурди.

Хәвәрдә ейтилишичә, бейҗиң һөкүмити буниңдин бурун олимпик мусабиқиси җәрянида, пәқәт олимпик мусабиқиси мәйданидила тәнһәрикәтчиләрниң сиясий пикир баян қилиши чәклиниду, униң сиртидики олимпик мәһәллиси қатарлиқ башқа сорунларда әркин пикир баян қилиш чәкләнмәйду, дәп җакарлиған болсиму, әмма һазир хитай һөкүмитиниң өзи қилған бу сөзләргиму әмәл қимайдиғанлиқи мәлум болмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт