Béyjing hökümiti olimpik musabiqisi jeryanida tenheriketchlerning pikir erkinlikini cheklimekchi


2008-01-01
Share

Yéqinda yawropadiki gollandiye qatarliq döletlerde, xitayning kishilik hoquq rikortini eyibleydighan jiddiy heriketler yüz bergen we xitay eger kishilik hoquq heqqide dunyagha bergen wediside turmisa, olimpik musabiqisini bayqut qilishqa chaqiridighan bir qatar teshebbuslar otturigha qoyulghan idi. Birleshme agéntliqning béligiyidin yollighan xewiride éytilishiche, béyjing hökümitining olimpik musabiqisi jeryanida hemme tenheriketchining siyasiy mesililerde pikir bayan qilishigha ruxset qilmaydighanliqini jakarlighanliqigha asasen, béligiye olimpik komitéti 1 ‏- ayning 23 ‏- küni béligiye tenheriketchiliri béyjing hökümitining pikir erkinliki jehette cheklime qoyushigha duch kélish éhtimali barliqini uqturdi.

Xewerde éytilishiche, béyjing hökümiti buningdin burun olimpik musabiqisi jeryanida, peqet olimpik musabiqisi meydanidila tenheriketchilerning siyasiy pikir bayan qilishi cheklinidu, uning sirtidiki olimpik mehellisi qatarliq bashqa sorunlarda erkin pikir bayan qilish cheklenmeydu, dep jakarlighan bolsimu, emma hazir xitay hökümitining özi qilghan bu sözlergimu emel qimaydighanliqi melum bolmaqta.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet