Béyjing da'irliri olimpik qurulush meydanida adem ölüsh hadisisining yüz bergenlikini ret qildi

2008-01-21
Élxet
Pikir
Share
Print

Yekshenbe küni en'giliyide chiqidighan yekshenbe waqti ( Sunday Times) gézitide, 2008- yili awghustta béyjingda ötküzidighan olimpik yighini üchün teyyarliniwatqan eng chong tenterbiye meydanning qurulushi jeryanida 10 ishchining hadisige uchrap ölgenlikini xewer qilghan idi.

Emma bügün roytérs agéntliqining xewer qélishigha qarighanda, béyjing da'iriliri mezkur qurulush meydanida adem ölüsh hadisisining yüz bergenlikini ret qilghan.

Xewerde neqil qilishiche, béyjing olimpik teshkillesh komitétining bayanatchisi sün wéydé: "yekshenbe waqti gézitining döletlik tenterbiye meydanida 10 ademning ölgenliki heqqidiki xewiri yalghan" dégen.

Sün muxbirlarning bu heqte sorighan so'allirigha jawab bérip, qurulush ishlirining pilan buyiche ongushluq élip bériliwatqanliqini hemde xitay da'irilirining mezkur ish ornidiki bixeterlik ishlirigha yéqindin köngül bolup kelgenlikini otturigha qoyghan.

Aldinqi küni, en'gliyide chiqidighan yekshenbe waqit gézitide bu tenterbiye meydanining qurulushi jeryanida hazirgha kelgiche ilgiri ‏- kéyin bolup 10 ademning ölgenlikini, buninggha qarita bu qurulush ornida ilgiri ishligen ishchilarning guwahliq bergenlikini xewer qilghan idi.

"Qush uwisi" dep atidighan 400 milyon dollarliq bu tenterbiye meydani yene 200 kündin kiyin 2008- yilliq olimpik yighini ötküzülidighan 36 tenterbiye meydanining ichidiki eng chong birsi bolup hésablinidu.

Pikirler (0)
Share
Toluq bet