Béyjingning hawa kélimati chet'ellik tennterbiye mahirlirini ümidsizlendürmekte

2008 ‏- Yilliq olimpik tenterbiye murasimining ötküzülüshige 6 yérim ay waqit qaldi, emma mezkür musabiqe ötküzülidighan béyjing shehirining hawa kilimati, dunyadiki bir qisim dölet tenheriketchilirini ümidsizlendürmekte.

Marafon dunya rékorti chimpiyuni , béyjingning hawasi tüpeyli olimpik marafonche yügresh musabiqisidin chékinip chiqishni oylashmaqta, chünki ilgiri u nepes yoli yallughlinish késilige giriptar bolghan bolup, késilining qayta qozghilishidin ensireydiken. Bu tüpeyli en'giliye, gérmaniye , shwétsiye , braziliye qatarliq az dégende 20 ge yéqin dölet , olimpik musabiqisige qatnishidighan mahirlar üchün meshiq qilish meydanini xitayda emes , yaponiyide hazirlashni qarar qilghan .

Amérika yinik atlitka tenheriketchiliri xitayning daliyen shehiride meshiq élip baridiken. Biraq chet'el tenterbiyichiliri ötken yili béyjingda élip bérilghan sinaq musabiqisidin kéyin, hawaning özlirige yaqmighanliqini, bir qisim kishilerde nepes yoli yallughlinish késili körülgenlikini bildürgen .

Amérika nepes yoli séstimisi mütexessislirining éytishiche, nöwette amérika yinik atlitka mahirliri her xil maskilarni qollinish arqiliq musabiqige qatnishishni sinaq qilmaqta iken.

Xelq'ara olimpik kométiti re'isining agahlandurushiche, belki bu yil olimplik murasimining marafonche uzun'gha yügüresh türi , emeldin qaldurulushi yaki kéchiktürülüshi mumkin iken.