Xitay yéziliridiki oqughuchilar yene oqushtin toxtap qalmaqta


2005.01.14
Share on WhatsApp
Share on WhatsApp

Xitay merkizi partiye mektipi iqtisad oqutush we tetqiqat bölümining tekshürüsh doklatidin melum bolushiche, 2004 - yili mezkur bölümdiki 15 oqutquchidin terkip tapqan tekshürüsh guruppisi xéylongjyang, lyawning, ichki mongghul we Uyghur éli qatarliq rayonlargha bérip, mezkur jaylardiki yézilarda élip bériliwatqan 9 yilliq mejburi ma'arip heqqide mexsus tekshürüsh élip barghan.

Mezkur tekshürüsh doklatida: xitay hökümitining 2000 – yili " 9 yilliq mejburi ma'arip asasen öz waqtida omumlashti, yash we ottura yashliqlar arisidiki sawatsizliq asasen tügidi hemde 2002 - yilida memliket boyiche bashlan'ghuch we ottura mekteplerning mektepke kirish nisbiti 98٪ ke yetti" dep élan qilghanlirining emeliyetke uyghun bolmighanliqi, shundaqla yézilardiki oqughuchilarning oqushtin toxtap qélish ehwalining qaytilap yüz bériwatqanliqi ashkarilan'ghan.

Mezkur tekshürüsh doklatida yene hazir hökümetning peqet sheherlerdiki nuqtiliq mekteplerning toqquz yilliq mejburi ma'aripighila xirajet bérip, yézilardiki mektepler bilen kari bolmaywatqanliqi, mejburi ma'aripning asasi chiqimini yenila déhqanlar özi höddige éliwatqanliqi melum qilin'ghan.

Xitay merkizi partiye mektibining iqtisad oqutush we tetqiqat bölümi teripidin élan qilin'ghan bu doklattin melum bolushiche, hazir xitayning köp qisim nahiye we sheherliri ma'arip üchün yéterlik meblegh salmighachqa, nurghunlighan yézilarda oqughuchilar uqushtin toxtap , mektepler taqilip qalidighan ehwal nahayiti omumliship ketken. (Méhriban)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.