Xitayning yaghachqa bolghan ihtiyaji xoshna döletlerning ormanlirigha tehdid élip kelmekte


2005-03-08
Share

Xelq'ara muhitni asrash teshkilati bolghan "dunya tebi'et fondi" ning bildürüshiche, xitayning yaghach matiriyallirigha bolghan ihtiyajining künséri éship bérishi, bashqa döletlerdiki ormanlargha tehdid élip kelmekte.

Ularning körsitishiche, rusiye, hindonéziye, malaysiye qatarliq döletlerdiki qanunsiz késilgen derexler asasliqi xitaygha yötkilidiken. Mezkur teshkilatning bildürüshiche, xitay hökümiti 1998 - yili changjyang derya wadisidiki kelkün apitidin kéyin, dölet ichide derex késishni qattiq chekligen. Emma xitayning yaghach matiriyallirigha bolghan ihtiyaji barghansiri éship barghachqa, xoshna döletlerdiki qanunsiz késilgen derexlerni import qilghan.

"Dunya tebi'et fondi" ning teshebbus qilishiche, xitay hökümiti derex késish cheklen'gen ormanlirida muwapiq halda derex östürüp, yaghach ishlepchiqirip, dölet ichidiki teminatni östürüshi kérek iken. Buningdin sirt, xitay yene, yaghach ishlepchiqirish we ishlitish ünümini östürüp, yaghach matiriyallirini israp qilishning aldini élishi kérek iken. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet