Хитайдики өсмүр балиларни сетиш җинайити йәнә бир қетим ашкариланди


2007-09-25
Share

Хәлқара мәтбуатларда хитайниң өсмүр балиларни сетишқа даир қилмишлири көпләп ашкариланмақта. Әнгилийә телевизийиси 4 ‏- қанилиниң келәр айдин башлап қоймақчи болған хитайда йүз бериватқан балиларни сетишқа аит һөҗҗәтлик филимдә һәр йили аз дегәндә 70 миң өсмүрниң қанунсиз йоллар арқилиқ башқа җайларға елип кетилидиғанлиқи тәсвирләнгән.

Хитайниң лондонда турушлуқ баш әлчиханиси, әнгилийә телевизийиси 4 ‏- қанилиниң мәзкүр һөҗҗәтлик филим һәққидә өзлирини алдин хәвәрләндүрмигәнликидин қаттиқ нарази болуп, филимдики мәзмунларниң тоғра әмәсликини, болупму филимдә әкс әттүрүлгән җуңгониң бир пәрзәнтлик сияситиниң балиларни сетиш җинайити билән һечқандақ мунасивити йоқлуқини тәкитлигән һәмдә мәзкүр филимни тарқатмаслиқ үчүн тиришқан.

Әнглийидә чиқидиған " таймиз " гезитиниң хәвиригә қариғанда, хитай баш әлчиханиси йәнә әнгилийиниң ахбарат башқуруш идариси билән алақә қилип, 8 ‏- өктәбир күни қоюлмақчи болған һөҗҗәтлик филимни қоймаслиқни тәләп қилған. Бу арида хитай әлчиханисиниң ахбарат баянатчиси, җуңго даирилириниң балиларни сетиш мәсилиисни азайтиш үчүн зор тиришчанлиқ көрсәткәнликини, һазир әһвалда яхшилиниш мәйданға кәлгәнликини илгири сүргән. Әмма филим мәсуллири хитай әлчиханисиға өзлириниң филим ишләш җәрянида қолға чүшүргән пакитлиқ материяллирини йоллиған.

Әнгилийә телевизийиси 4 ‏- қанилиниң филим ишләш әтрити, хитай өлкилиридә өз балилирини сатқан ата ‏- анилар вә адәм бидиклириниң балиларни сетиш җәрянидики нәқ мәйдан көрүнүшлирини синалғуға чүшүрүвалған икән. Мәзкур қанал илгири уйғурларниң атом синақлириниң зиянкәшликигә учриғанлиқиға даир 2 қисимлиқ филим ишләп тарқатқан иди. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт