Хитайда ишләнгән зәһәрлик мада байқалған балилар оюнчуқлири явропада йиғивелинмақта


2007.11.12
Share on WhatsApp
Share on WhatsApp

Хитай сүпәт башқуруш тармақлири йеқиндин буян дуняниң һәрқайси җайлирида зәһәрлик дәп йиғивелинған хитайда ишләнгән балилар оюнчуқлирини өз алдиға тәкшүрүп , мәзкур оюнчуқлар тәркибидә адәмниң саламәтликигә зиянлиқ зәһәрлик маддиларни байқиған.

Ройтерс агентлиқида бу һәқтә берилгән хәвәрдә көрситилишичә, хитайда ишләнгән биндиз маркилиқ оюнчуқлар тәркибидә зәһәрлик мада байқалғанлиқи үчүн ирландийә вә әнглийәләрдә 500 миңға йеқин шу түридики оюнчуқлар йиғивелинған.

Өткән һәптә җәрянида, америкида 4.2 Милйон акуа дотс маркилиқ оюнчуқлар юқириқи сәвәбләр түпәйли йиғивелинған болуп, австралийиму даңлиқ оюнчуқларни чәкләш буйруқи чиқарған.

Хитай дөләтлик сүпәт тәкшүрүш вә карантин идарисиниң билдүрүшичә, австралийидә базарға селинған оюнчуқлар австралийиниң қандағай игилики ширкитиниң буйрутмиси билән хитайниң шенҗен шәһиригә җайлашқан ваңчи мәһсулатлар завутида ишләпчиқирилған икән.

Бу йил томуз дин буян хитайда ишләнгән балилар оюнчуқлири тәркибидә адәмгә зиянлиқ зәһәрлик мадда байқалғанлиқи сәвәблик, хитайда ишләнгән мәһсулатларға болупму балилар оюнчуқлириға нисбәтән дуня буйичә бирхил сәгәклик туйғуси шәкилләнгән болуп, бу йил авғустниң мабәйнидә америка маттел оюнчуқ ширкити хитайда ишләнгән балилар оюнчуқлирини бәш қетим йиғивалған иди. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.