Өзбекистан билән хитай иқтисади һәмкарлиқини күчәйтти


2005.07.18

Керимоф һөкүмити, әнҗандики "13 - май қәтлиамини" қоллиған хитай һөкүмити билән дүшәнбә күни бир қатар келишимләрни имзалиди. Бу келишимләр хитайниң өзбекистанға 150 милйон доллар мәбләғ селиш түрини өз ичигә алған болуп, дөләт игиликидики җоңго нефит ширкитиниң өзбекистанда нефит вә тәбиий газ қезиш түри үчүн 106 милйон доллар мәбләғ селиш келишими бу түрләрниң бир қисими икән.

Икки дөләт оттурисидики келишим, хитайниң муавин баш министири ву йи өзбекистанни зиярәт қиливатқан чағда имзаланди. Ву йи, дүшәнбә күни ташкәнтдә хитай- өзбекистан мунбириниң йиғиниға қатнашқан.

Президент керимоф, 13 - майдики әнҗан вәқәсини бастурғандин кейин чәтәлгә қилған тунҗи зияритини хитайда елип барди. Хитай, русийә билән биргә хәлқара җәмийәтниң әнҗандики бастурушни тәкшүрүшигә қарши чиққан шундақла керимоф һөкүмитиниң һәрикитини қоллиған иди.

Хәлқара кишилик һоқуқни көзүтүш тәшкилати, әнҗандики вәқәни "қәтлиам," дәп тәнқидлимәктә. Дүшәнбә күни явропа иттипақи ташқи ишлар министирлар йиғини, әгәр өзбекистан 13 - май вәқә үстидин хәлқаралиқ тәкшүрүш елип беришқа давамлиқ тосқунлуқ қилса, өзбекистанға қорал - ярақ експорт қилишни тохтитимиз, дәп агаһландурди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.