Özbékistan bilen xitay iqtisadi hemkarliqini kücheytti


2005.07.18

Kérimof hökümiti, enjandiki "13 - may qetli'amini" qollighan xitay hökümiti bilen düshenbe küni bir qatar kélishimlerni imzalidi. Bu kélishimler xitayning özbékistan'gha 150 milyon dollar meblegh sélish türini öz ichige alghan bolup, dölet igilikidiki jonggo néfit shirkitining özbékistanda néfit we tebi'iy gaz qézish türi üchün 106 milyon dollar meblegh sélish kélishimi bu türlerning bir qisimi iken.

Ikki dölet otturisidiki kélishim, xitayning mu'awin bash ministiri wu yi özbékistanni ziyaret qiliwatqan chaghda imzalandi. Wu yi, düshenbe küni tashkentde xitay- özbékistan munbirining yighinigha qatnashqan.

Prézidént kérimof, 13 - maydiki enjan weqesini basturghandin kéyin chet'elge qilghan tunji ziyaritini xitayda élip bardi. Xitay, rusiye bilen birge xelq'ara jem'iyetning enjandiki basturushni tekshürüshige qarshi chiqqan shundaqla kérimof hökümitining herikitini qollighan idi.

Xelq'ara kishilik hoquqni közütüsh teshkilati, enjandiki weqeni "qetli'am," dep tenqidlimekte. Düshenbe küni yawropa ittipaqi tashqi ishlar ministirlar yighini, eger özbékistan 13 - may weqe üstidin xelq'araliq tekshürüsh élip bérishqa dawamliq tosqunluq qilsa, özbékistan'gha qoral - yaraq éksport qilishni toxtitimiz, dep agahlandurdi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.