Xitayda özini öltürüwélish xahishliri kündin ‏- kün'ge éghirlashmaqta


2007.03.27

Roytérs agéntliqining béyjingdin bergen xewirige qarighanda, ötken yili xitayda yuz bergen ölüm-yétimlarning 4 din bir qismini özini öltürüwalghanlar teshkil qilghan bolup, bularning kop sandikiliri 15 yashtin 34 yashqiche bolghan yashlar iken.

Xitayda riqabetlik hayat we jiddiy özgiriwatqan jem'iyet turmushta éghir bésim keltürüp chiqarghan bolup, bu xitay yashlirida özini öltürüwélish xahishlirini köpeymekte. Bularning ichide yene ata-anisi we bowa-momilirining bésimi seweblik özini öltürüwalghan yash ‏- ösmürlermu kop salmaqni igileydiken.

Xitay rohiy saghlamliq jem'iyitining sanliq stastikisigha qarighanda, özini öltürüwélish xitay yashliri arisida yuqiri nisbetni igiligen bolup, 2006 -yildiki omumi ölüm-yétimning 26 pirsentini igileydiken. Lékin jem'iyet éniq bir sanliq melumat bermigen. Xitay metbu'atlirining bildürüshiche, amérikida 2006 yili 31, 500 kishi özini öltürüwalghan bolup, nopus nisbiti jehettin sélishturup körgende xitayda özini öltürüwalghan adem nisbiti yenila yuqiri salmaqni igileydiken.

Xitayda ösmürler arisida élip bérilghan ray sinashta, 140 mingdin artuq toluq ottura oqughuchilirining 20 pirsentidin köpreki özini öltürüwélishni oylashqan we 6. 5 Pirsenti qandaq ölüwélish üstide tepsiliy pilan tuzup qoyghanliqini bildürüshken. Béyjing uniwérstéti yash- ösmürler salametliki tetqiqat inistituti énqilishiche, 2002- yilidin béri, yash- ösmürler arisida özini öltürüwilishtiki uch qedem- özini öltürüwélish koyida bolush, pilan tüzüsh we heriket qilishtin ibaret qedemler üstide kalla qaturiwatqanlarning sani körünerlik yuqiri kötürülgen. Ray sinashta yene, balilarning yérimi dégüdek tenhaliq hés qilidighanliqini ipadiligen bolsa, 40 pirsentining uyqusi yaxshi emes iken.

Tetqiqatchilarning bu mesililerning kop qismi medeniyet hadisisi seweblik öz his-tuyghulirini ipadileshte qiynilish, öz- ara munasiwettiki müshkülchilik, öz kimliki üstide izdinish jehette tirishchanliqning kem bolushi seweblik kilip chiqqan iken. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.