Pakistan bilen hindistan keshmir mesilisi boyiche yuqiri derijilikler söhbiti ötküzdi


2004.09.05
Share on WhatsApp
Share on WhatsApp

Pakistan bilen hindistan tashqi ishlar ministirliri yekshenbe küni yéngi déhlida uchriship, keshmir mesilisini asasi muzakire témisi qilghan ikki dölet otturisidiki tinchliq mesililiri boyiche söhbet élip bardi.

Hindistan tashqi ishlar ministirlikining bayanatchisi, ikki dölet tashqi ishlar ministirliri otturisidiki söhbetning dostane, durus, semimiy we ijabiy xaraktérlik ötkenlikini tekitlidi. Bu hindistan bilen pakistan tashqi ishlar ministirlirining yéqinqi üch yildin béri élip barghan tunji qétimliq söhbiti bolup hésablinidu. Söhbetning témisi keshmir mesilisini asas qilghandin sirt, ikki dölet otturisidiki transporttin tartip medeniyet almashturushqiche bolghan barliq mesililerge chétilghan.

Söhbet hindistan tashqi ishlar ministiri natwar sing bilen pakistan tashqi ishlar ministiri xurshid maxmud qasuri otturisida élip bérildi . Britaniye radi'o téléwiziye shirkiti b b s , ikki terep otturisidiki söhbetning intayin keskin ötkenlikini ilgiri sürdi .

Pakistan terep keshmir mesilisi ikki terep otturisidiki söhbetning merkizi témisi dégen qarashta ching turup , keshmir mesilisini hel qilish jenubiy asiyadiki bixeterlik we tinchliqning kapaliti dep körsetken . Hindistan bash ministiri manmoxan sing , keshmirdiki qoralliq teshkilatlar bilen shertsiz söhbet ötküzüshni otturigha qoyghan . Hindistan bilen pakistan otturisida ikki yil ilgiri keshmir mesilisi sewebidin 4 - qétim urush partlashqa qil qalghan idi .Ikki dölet keshmir mesilisi boyiche 1947 yildin béri 3 qétim urush qilghan .

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet