Pakistan xitaydin 4 dane urush paraxoti sétiwalmaqchi

Pakistan dölet mudapi'e ministirliqining melum qilishiche, pakistan yéqinda, özlirining uzun yilliq qoral teminligüchisi xitaydin 4 dane urush paraxoti sétiwalmaqchi iken.

Amérika birleshme agéntliqining xewirige qarighanda, bu soda toxtamini pakistan bilen xitayning dölet mudapi'e emeldarliri rawalpindida tüzgen bolup, emma pakistanning buninggha qanchilik pul töleydighanliqi yaki paraxotlarni qachan tapshurup alidighanliqi téxi melum bolmighan.

Pakistan déngiz armiyisining qomandani shahid qarimolla ötken yili muxbirlargha qilghan sözide, pakistan hökümitining urush paraxotlirini sétiwélish üchün xitaydin 750 milyon amérika dolliri qerz pul élishni oylishiwatqanliqini bildürgen idi.

Xitay hökümiti Uyghur élidiki musteqilliq heriketlerdin endishe qilidighanliqi üchün, Uyghur élige xoshna döletler bilen bolghan munasiwetke alahide diqqet qiliwatqan bolup, pakistan, ularning uzun yilliq hemkardishigha aylinip qaldi. Shundaqla xitay, pakistanni qoral bilen teminleydighan eng chong dölet hésablinidu. (Peride)