Pakistan prézidénti xitaydiki ziyaritini bashlidi
2006.02.19
Pakistan prézidénti perwez musherref yekshenbe küni béyjinggha yétip kélip, bu yerdiki 5 künlük ziyaritini bashlidi. Uning bu qétimliq sepirining asasliq meqsiti ikki dölet otturisidiki iqtisadiy we énérgiye hemkarliqni kücheytish iken.
Amérika birleshme agéntliqining xewirge qarighanda, musherref xitaydiki ziyaritide jeryanida xitay dölet re'isi xu jintaw we bash ministir wén jyabaw bashchilighidiki yuqiri derijilik xitay rehberliri bilen körishidiken. Musherref xitaygha méngishning aldida, ikki dölet rehberlirining bu qétim qandaq qilip ikki döletning iqtisadiy munasiwitini kéngeytish hemde dölet mudapi'e we énérgiye jehettiki hemkarliqni kücheytish heqqide söhbetlishidighanliqini éytqan.
U yene, "bizning munasiwitimiz nurghun sinaqlardin ötken hemde keng asasqa ige shundaqla barliq sahediki munasiwetlirimiz nahayiti qoyuqtur" dep bildürdi. Xitay bilen pakistan uzun yilliq yéqin xoshna döletler bolup, xitay yene pakistanning eng chong qoral teminligüchi dölitidur. Shundaqla ilgiri gherb elliri xitayni pakistan'gha balistik bashqurilidighan bombilarni satqanliqi bilen eyiblep kelgen idi.
Musherrefning xitaygha qilghan sepiridin 3 kün awal pakistanning baluchistan ölkiside ishleydighan 3 neper xitay énzhinéri hökümetke qarshi yerlik küchler teripidin étip öltürülgen idi. Emma xitay da'iriliri bu weqening ikki dölet munasiwitige tesir yetküzmeydighanliqini bildürdi. (Peride)
Munasiwetlik maqalilar
- Pakistanda öltürülgen xitay inzhénirlirining jesidi ürümchige qayturup kélindi
- Pakistan prézidénti musherref xitayni ziyaret qilmaqchi
- Pakistan xitaydin yadro ré'aktor qazini sétiwélish üstide söhbet élip barmaqta
- Xitayning pakistandiki elchixanisi tehdit xéti tapshuruwalghan
- Sh h t pakistanni közetküchi salahiyitide qobul qilishni muzakire qilmaqta