Пакистан хитайниң ғәрбий райониниң ташқи сода вә енергийә мәсисилидә рол ойниялайдиғанлиқини билдүрмәктә


2007.03.17
Share on WhatsApp
Share on WhatsApp

Пакистан парламенти кеңәш палатаси хәлқара мунасивәтләр комитетиниң рәиси мушаһид һөсәйин сед, шәнбә күни ислам абадда хитай-пакистан мунасивәтлири тоғрисида ечилған йиғинда қилған сөзидә, пакистан җәнубий асия, оттура асия вә хитайниң ғәрбий районини оттурсида анергийә вә сода- тиҗарәт саһәсидә һалқилиқ рол ойниялайду, дегән.

Пакистан сиясий тәтқиқат инстетоти хитай җәнубий асия тәтқиқат инстетоти, сичүн университети, вә йүннән иҗтимаий пәнләр академийиси билән бирликтә уюштурған икки күнлүк йеғинниң йепилишида сөз қилған мушаһид һөсәйин сед, пакистанниң аллиқачан қарақурум таш йолини кеңәйтиш ишини башлиғанлиқини вә хитай билән пакистан оттурисида бир төмүр йоли ясашни пиланлавтқанлиқини тәкитлигән.

У шундақла, пакистан билән хитай оттурисидики һәрбий вә иқтсадий мунасивәтләрни тәрәққий қилдуруштин башқан йәнә, икки дөләт оттурисида илмий тәтқиқат ишлирини көпәйтишкә һәққидә икки дөләт хәлқи арисидики алақә вә учришишларни күчәйтишкә чақирған.

Сөзидә, пакистанниң сабиқ иқтисад министири фасих уддинниң "пакистан пүтүн сиясәтлирини хитайға маслашқан һалда елип бериши керәк" дегән көз қаришини қоллайдғанлиқини билдүргән пакистан парламинти хәлқара мунасивәтләр комитетиниң рәиси, хитай билән пакистан хәлқлири арисидики алақә вә мунасивәтләрни күчәйтиш йоллирини тәдқиқ қилиш үчүн пакситанниң йеқинда хитай инстетоти қурушни пиланлаватқанлиқни билдүргән. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.