Pakistan xitayning gherbiy rayonining tashqi soda we énérgiye mesisilide rol oyniyalaydighanliqini bildürmekte

Pakistan parlaménti kéngesh palatasi xelq'ara munasiwetler komitétining re'isi mushahid höseyin séd, shenbe küni islam abadda xitay-pakistan munasiwetliri toghrisida échilghan yighinda qilghan sözide, pakistan jenubiy asiya, ottura asiya we xitayning gherbiy rayonini ottursida anérgiye we soda- tijaret saheside halqiliq rol oyniyalaydu, dégen.

Pakistan siyasiy tetqiqat instétoti xitay jenubiy asiya tetqiqat instétoti, sichün uniwérsitéti, we yünnen ijtima'iy penler akadémiyisi bilen birlikte uyushturghan ikki künlük yéghinning yépilishida söz qilghan mushahid höseyin séd, pakistanning alliqachan qaraqurum tash yolini kéngeytish ishini bashlighanliqini we xitay bilen pakistan otturisida bir tömür yoli yasashni pilanlawtqanliqini tekitligen.

U shundaqla, pakistan bilen xitay otturisidiki herbiy we iqtsadiy munasiwetlerni tereqqiy qildurushtin bashqan yene, ikki dölet otturisida ilmiy tetqiqat ishlirini köpeytishke heqqide ikki dölet xelqi arisidiki alaqe we uchrishishlarni kücheytishke chaqirghan.

Sözide, pakistanning sabiq iqtisad ministiri fasix uddinning "pakistan pütün siyasetlirini xitaygha maslashqan halda élip bérishi kérek" dégen köz qarishini qollaydghanliqini bildürgen pakistan parlaminti xelq'ara munasiwetler komitétining re'isi, xitay bilen pakistan xelqliri arisidiki alaqe we munasiwetlerni kücheytish yollirini tedqiq qilish üchün paksitanning yéqinda xitay instétoti qurushni pilanlawatqanliqni bildürgen. (Qanat)