29 Нәпәр шималий корийилик бейҗиңдики бир японийә мәктивигә қечип кирип панаһлиқ тилиди

японийә әлчиханиси хадиминиң ашкарилишичә, чаршәнбә күни бейҗиңда 29 нәпәр шималий корийилик бу йәрдики бир японийә мәктивигә қечип кирип панаһлиқ тилигән.

Америка бирләшмә ахбарат агентлиқиниң билдүришичә, булар 11 әр, 15 аял вә 3 балидин тәшкил тапқан болуп, улар -1сентәбир әттигән бейҗиң вақти саәт 10:30 әтрапида бу мәктәпкә қечип киргән.

японийә әлчихана хадиминиң ейтишичә, мәзкүр мәктәп бу вәқә сәвәбидин бир күн хизмәт тохтатқан һәмдә әлчихана нөвәттә буни қандақ бир тәрәп қилиш һәққидә җиддий музакирә қилмақта.

Буниңдин хәвәр тапқан җәнубий корийә һөкүмити бу 29 нәпәр шималий корийиликни қобул қилишни халайдиғанлиқини билдүрди һәмдә бейҗиң һөкүмитиниң бу һәқтә ярдәмлишишини тәләп қилди.

Гәрчә хитай билән шималий корийә қанунсиз чеградин киргән шималий корийиликләрни қайтуриветиш келишимини түзгән болсиму, лекин хитайдики чәтәл әлчиханисиға қечип киргән шималий корийәликләр ғәлибилик һалда җәнубий корийәгә әвәтилди. (Пәридә)