29 Neper shimaliy koriyilik béyjingdiki bir yaponiye mektiwige qéchip kirip panahliq tilidi

Yaponiye elchixanisi xadimining ashkarilishiche, charshenbe küni béyjingda 29 neper shimaliy koriyilik bu yerdiki bir yaponiye mektiwige qéchip kirip panahliq tiligen.

Amérika birleshme axbarat agéntliqining bildürishiche, bular 11 er, 15 ayal we 3 balidin teshkil tapqan bolup, ular -1séntebir ettigen béyjing waqti sa'et 10:30 etrapida bu mektepke qéchip kirgen.

Yaponiye elchixana xadimining éytishiche, mezkür mektep bu weqe sewebidin bir kün xizmet toxtatqan hemde elchixana nöwette buni qandaq bir terep qilish heqqide jiddiy muzakire qilmaqta.

Buningdin xewer tapqan jenubiy koriye hökümiti bu 29 neper shimaliy koriyilikni qobul qilishni xalaydighanliqini bildürdi hemde béyjing hökümitining bu heqte yardemlishishini telep qildi.

Gerche xitay bilen shimaliy koriye qanunsiz chégradin kirgen shimaliy koriyiliklerni qayturiwétish kélishimini tüzgen bolsimu, lékin xitaydiki chet'el elchixanisigha qéchip kirgen shimaliy koriyelikler ghelibilik halda jenubiy koriyege ewetildi. (Peride)