Шималий корийиликләр бейҗиңдики канада әлчиханисиға бөсүп кирди


2004.09.29
Share on WhatsApp
Share on WhatsApp
040929_CHINA-NKOREA-REFUGEES.jpg
Шималий корийиликләр бейҗиңдики канада әлчиханисиға паналиқ тиләшкә кирди

44 Нәпәр сияси панаһлиқ тиләшни мәқсәт қилған шималий корийиликләр дәп қаралған бир түркүм кишиләр чаршәнбә күни канаданиң бейҗиңда турушлуқ әлчиханисиға бөсүп кирди.

Америка бирләшмә ахбарат агентлиқиниң хәвиригә қариғанда, канада әлчихана даирилири бу кишиләр арисида әрләр, аяллар вә балиларниң барлиқини, уларниң әлчиханиниң темидин артилип киргәнликини билдүргән. Канада әлчихана баянатчисиниң көрситишичә, әлчихана хадимлири нөвәттә бу кишиләр билән сөһбәт өткүзүп, уларниң салаһийитини иниқлимақта икән.

2002 - Йилидин боян хитайдики нәччә йүзлигән шималий корийилик мусапирлар чәт дөләтләрниң хитайда турушлуқ әлчихана вә консулханилириға кирип панаһлиқ тиләп,бу арқилиқ җәнубий корийигә беришқа урунған.

Хитайниң гәрчә шималий корийә билән хитайдики шималий корийә мусапирлирини дөлитигә қайтуруш һәққидә түзгән келишими бар болсиму, әмма илгири чәтәл әлчиханисиға киривалған шималий корийә мусапирлири үчинчи дөләт арқилиқ мувәппәқийәтлик һалда җәнубий корийигә йетип барған.

Бир қисим кишилик һоқуқ тәшкилатлириниң мөлчәрлишичә, хитайда мүкүнүп йүргән шималий корийә мусапирлириниң сани 100 миңға йетиши мумкин икән. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.