Shimaliy koriyilikler béyjingdiki kanada elchixanisigha bösüp kirdi

Shimaliy koriyilikler béyjingdiki kanada elchixanisigha panaliq tileshke kirdi

44 Neper siyasi panahliq tileshni meqset qilghan shimaliy koriyilikler dep qaralghan bir türküm kishiler charshenbe küni kanadaning béyjingda turushluq elchixanisigha bösüp kirdi.

Amérika birleshme axbarat agéntliqining xewirige qarighanda, kanada elchixana da'iriliri bu kishiler arisida erler, ayallar we balilarning barliqini, ularning elchixanining témidin artilip kirgenlikini bildürgen. Kanada elchixana bayanatchisining körsitishiche, elchixana xadimliri nöwette bu kishiler bilen söhbet ötküzüp, ularning salahiyitini iniqlimaqta iken.

2002 - Yilidin boyan xitaydiki nechche yüzligen shimaliy koriyilik musapirlar chet döletlerning xitayda turushluq elchixana we konsulxanilirigha kirip panahliq tilep,bu arqiliq jenubiy koriyige bérishqa urun'ghan.

Xitayning gerche shimaliy koriye bilen xitaydiki shimaliy koriye musapirlirini dölitige qayturush heqqide tüzgen kélishimi bar bolsimu, emma ilgiri chet'el elchixanisigha kiriwalghan shimaliy koriye musapirliri üchinchi dölet arqiliq muweppeqiyetlik halda jenubiy koriyige yétip barghan.

Bir qisim kishilik hoquq teshkilatlirining mölcherlishiche, xitayda mükünüp yürgen shimaliy koriye musapirlirining sani 100 minggha yétishi mumkin iken. (Arzu)