Хитай рим папаси һәққидики интернет баянлирини тосиди


2005.04.04

Хитай һөкүмити торға чиққучиларниң ватиканниң рәһбири, рим папаси җон паул 2 ниң вапати һәққидә интернеттә елан қилған баянлирини тосивәткән.

Франсийә ахбарат агентлиқиниң хәвиригә қариғанда, хитайдики даңлиқ интернет тор понкитлиридин болған sina вә sohu қатарлиқларниң муназирә мәйданлири шәнбә күни рим папасиниң вапати һәққидики түрлүк баянлар билән тошуп кәткән болуп, дүшәнбә күнигә кәлгәндә буларниң һечбирини көргили болмиған.

Sohu Тор понкитиниң мәсул хадими, өзлириниң һәқиқәтән муназирә мәйданидики баянларни өчүривәткәнликини иқрар қилип, "диний мәсилә дегән алаһидә мәсилә. Шуңа биз һәр қандақ қалаймиқанчилиқларниң йүз берип қелишидин әндишә қилимиз" дегән.

Униң билдүрүшичә йәнә, һазир мәзкур муназирә мәйданиға хәт язғучилар пәқәт өзлириниңла язғанлирини көрәләйдикән, әмма башқиларниңкини көргили болмайдикән.

Хитай һөкүмити интернетни, дөләт муқимлиқини сақлаштики бир чоң тәһдит дәп қарайдиған болуп, хитайда һазир интернетни тосуш вә сәзгүр темиларда мақалә язғучиларни җазалаш әһваллири көп йүз бәрмәктә. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.