Xitay rim papasi heqqidiki intérnét bayanlirini tosidi

Xitay hökümiti torgha chiqquchilarning watikanning rehbiri, rim papasi jon pa'ul 2 ning wapati heqqide intérnétte élan qilghan bayanlirini tosiwetken.

Fransiye axbarat agéntliqining xewirige qarighanda, xitaydiki dangliq intérnét tor ponkitliridin bolghan sina we sohu qatarliqlarning munazire meydanliri shenbe küni rim papasining wapati heqqidiki türlük bayanlar bilen toshup ketken bolup, düshenbe künige kelgende bularning héchbirini körgili bolmighan.

Sohu Tor ponkitining mes'ul xadimi, özlirining heqiqeten munazire meydanidiki bayanlarni öchüriwetkenlikini iqrar qilip, "diniy mesile dégen alahide mesile. Shunga biz her qandaq qalaymiqanchiliqlarning yüz bérip qélishidin endishe qilimiz" dégen.

Uning bildürüshiche yene, hazir mezkur munazire meydanigha xet yazghuchilar peqet özliriningla yazghanlirini köreleydiken, emma bashqilarningkini körgili bolmaydiken.

Xitay hökümiti intérnétni, dölet muqimliqini saqlashtiki bir chong tehdit dep qaraydighan bolup, xitayda hazir intérnétni tosush we sezgür témilarda maqale yazghuchilarni jazalash ehwalliri köp yüz bermekte. (Peride)