Xitay yéngi rim papasini teywen bilen bolghan munasiwetni üzüshke chaqirdi
Dunyadiki her qaysi döletler yéngidin teyinlen'gen rim papasini tebriklewatqan mezgilde, xitay hökümiti yéngi rim papasi bénédikt XVI ni béyjing bilen bolghan munasiwetni yaxshilap, teywen bilen bolghan alaqini üzüshke chaqirdi.
Xitay tashqi ishlar ministirliqining bayanatchisi chin gang bu heqte élan qilghan bir parche bayanatida, " biz ikki xil shert astida, xitay bilen watikan otturisidiki munasiwetning yaxshilinishini xalaymiz. Biri, watikan teywen bilen bolghan munasiwetni üzüshi kérek. Yene biri, watikan xitayning ichki ishigha bolupmu diniy ishlirigha arilashmasliqi kérek" dédi.
Xitay hökümiti 1950 - yilliri xitaydiki din tarqatquchi chet'elliklerni qoghlap chiqarghandin kéyin, watikan 1951 - yili xitay bilen diplomatik munasiwetni resmiy üzgen idi.
Bu arida teywen da'iriliri, watikanning hergizmu teywenni qurban qiliwetmeydighanliqigha ishinidighanliqini, shundaqla kelgüsidiki ikki terep munasiwitige ümid bilen qaraydighanliqini bildürdi.(Peride)
- Lagér ayrighan ana-balining “Elley naxshisi” yaponiyede yangridi
- Shiwét missiyonérlirining sherqiy türkistandin ayrilishi
- Biryussélda xitayning “Uyghur mejburiy emgiki” ge qarshi chuqanlar
- Yüzlerche Uyghurlar jenwediki b d t binasi aldida namayish élip bardi
- “Qeshqer konasheher höjjiti” Uyghurlargha qaritilghan tutqunning kölimini yene bir qétim ashkarilidi
