Хитайда бир министир муддәтсиз қамақ җазасиға һөкүм қилинди


2005.12.27
Share on WhatsApp
Share on WhatsApp

Хитайниң йәр - зимин вә тәбиий байлиқлар министирлиқиниң сабиқ министири тйән феңшән 500 миң доллар пара елиш җинайити билән әйиблинип, сәйшәнбә күни муддәтсиз қамақ җазасиға һөкүм қилинди.

Шинхуа ахбарат агентлиқиниң хәвәр қилишичә, бейҗиң шәһәрлик 2 - оттура хәлқ сот мәһкимиси тйән феңшәнни 1996 -йилдин 2003- йилғичә 538 миң доллар пара елип җинайәт шәкилләндүрди, дәп қариған. Сот мәһкимисиниң һөкүмити бойичә тйән феңшәнниң барлиқ мал мүлки мусадирә қилинип сияси һоқуқидин мәңгүлүк мәһрум қилинди. Тйән феңшйән илгири хейлоңҗяң өлкисиниң өлкә башлиқи иди. У, 2000- йили хитай дөләтлик йәр - зимин вә тәбий байлиқлар министирлиқиниң министири болуп тәйинләнгән иди.

Шинхуа ахбарат агентлиқи, тйән феңшәнни "дөләт хадими болсиму әмма у хизмәттики қолайлиқи вә һоқуқидин пайдилинип, шәхси мәнпәәтигә чоғ тартқан вә қанунсиз пара йегән" дәп әйиблиди.

Хитай даирилири һазирғичә тйән феңшәнниң хиянәтчилик қилмишиға даир тәпсили әһвалларни ашкарилимиди. Әмма тйән феңшән, 2003 - йили вәзиписидин йирақлаштурулуп қолға елинғандин кейин, хитай мәтбуатлири униң йәр - зимин содисиға даир хиянәтчилик сәтчиликигә четилип қалғанлиқини хәвәр қилған.

Шинхуа ахбарат агентлиқиниң ашкарилишичә, сот мәһкимиси тйән феңшән хиянәт қилған барлиқ пул- пүчәк вә мадди буюмларниң қайтурувелинғанлиқини билдүргән. Сот мәһкимиси тйән феңшән қобул қилған париниң " пәвқуладдә зор" икәнликини әскәртмәктә. Буниңдин илгири тйән феңшән билән биргә әйибләнгән хейлоңҗяң өлкилик парткомниң сабиқ муавен секритариға өлүм җазаси берилип икки йил кечиктүрүп иҗра қилиш һөкүм қилинған иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.