Xitay déngiz armiyisi mu'awin qomandani wang shuyé wezipisidin élip tashlandi
2006.06.29
Shinxu'a agéntiqining peyshenbe küni xewer qilishiche, xitay déngiz armiyisining sabiq mu'awin qomandani wang shuyé iqtisadiy dilo sadir qilish jinayiti bilen wezipisidin élip tashlan'ghan. Wang shuyé memliketlik xelq qurultiyining wekililik salahiyitidinmu chiqiriwitilgen.
Shinxu'a agéntiliqining bildürüshiche, bu yil 62 yashqa kirgen wang shuyé " exlaq buzuqluqi" , " hoquqidin paydi'inip öz nepsige chogh tartish", " intizamgha éghir derijide xilapliq qilish" dégendek sewebler tüpeylidin wezipisidin qaldurulghan.
Amérika birleshme agéntliqining bu heqte bergen xewiride éytilishiche, xitay hökümiti yéqindin buyan chiriklikke zerbe bérish dolqunini qozghash arqiliq , xelq ammisining kommunistik partiyige bolghan himayisini qolgha keltürüsh üchün, nechche minglighan hökümet emeldarlirini jazagha tartqan . Emma wang shuyégha oxshash herbiy emeldarlarni jazalashni ashkara élan qilishi az uchraydiken. (Eqide)
Munasiwetlik maqalilar
- Xitay teptish idarisi hökümettiki chong xiyanetchilik weziyitini bayqidi
- Béyjing olimpik qurulushining mu'awin rehbiri xiyanetchilik sewebidin tekshürüldi
- Béyjingning mu'awin sheher bashliqi xiyanetchilik bilen eyiblendi
- Xitaydin chetke qachqan jinayetchiler 8 milyard dollargha yéqin xiyanet qildi
- Xitayda bir ministir muddetsiz qamaq jazasigha höküm qilindi