1 - ئىيۇل كۈنىنىڭ "پارتىيىدىن چېكىنىش كۈنى" قىلىپ بېكىتىلىشى تەلەپ قىلىنماقتا
2005.06.22
پۈتۈن دۇنيادىكى خىتاي كوممۇنىستىك پارتىيىسىدىن چېكىنىش مۇلازىمەت مەركەزلىرى يېقىندا، خىتاي قۇرۇقلۇقىدىكىلەرنى، چەتئەلدىكى خىتاي پۇقرالىرىنىڭ دېموكراتىيە، تىنچلىق ۋە ئەركىنلىكنى سۆيىدىغان ئاممىۋى تەشكىلاتلىرىنى خىتاينىڭ پارتىيە كۈنى بولغان 1 - ئىيۇل كۈنىنى "دۇنيا بويىچە پارتىيىدىن چېكىنىش كۈنى" قىلىپ بېكىتىشكە چاقىردى.
"ئۇلۇق ئىرا گېزىتى" نىڭ خەۋىرىگە قارىغاندا، مەزكۇر گېزىتتە ئېلان قىلىنغان "خىتاي كوممۇنىستىك پارتىيىسىگە 9 باھا" ناملىق چاتما ماقالىدا خىتاي كومپارتىيىسىنىڭ 50 نەچچە يىلدىن بۇيان خىتايدىكى كەڭ خەلق ئاممىسىغا سالغان زۇلۇملىرى ۋە سادىر قىلغان قانلىق باستۇرۇشلىرى پاش قىلىنغاندىن كېيىن، پۈتۈن خەلقئارادىكى خىتاي پۇقرالىرى ئارىسىدا پارتىيىدىن چېكىنىش دولقۇنى كۆتۈرۈلگەن. شۇنداقلا ھازىرغىچە خىتايدىكى ۋە چەتئەللەردىكى خىتاي پۇقرالىرىدىن 2 يېرىم مىليون كىشى پارتىيىدىن چېكىنگەن.
دۇنيادىكى پارتىيىدىن چېكىنىش مۇلازىمەت ئورۇنلىرى ھازىرغىچە ھەر قايسى جايلاردا مۇھاكىمە يىغىنى ئويۇشتۇرۇش، ئاخبارات ئېلان قىلىش يىغىنى چاقىرىش، ساياھەت ۋە ئاممىۋىي سورۇنلاردا تونۇشتۇرۇش قاتارلىق تۈرلۈك ئۇسۇللار بىلەن، خىتاي كوممۇنىستىك پارتىيىسىگە چىقىرىلغان 9 باھانى ئومۇميۈزلۈك تونۇشتۇرماقتا. (پەرىدە)
مۇناسىۋەتلىك ماقالىلار
كۆپ كۆرۈلگەن خەۋەرلەر
RFA
- شىنجاڭ ھۆكۈمىتى يېقىندا تەمبۇر چالغان ئۇيغۇر قىزنىڭ ۋىدىيوسىنى تارتقان خىتاي سەنئەتكارنى جازالىغان
- خىتاي ھۆكۈمىتى ئۇيغۇر سەنئەتكارلارنى ياۋروپادا ئويۇن قويغۇزۇپ ئۇيغۇر ئىرقىي قىرغىنچىلىقىنى يۇيۇشقا ئۇرۇنغان دەپ ئەيىبلەنمەكتە
- خىتاينىڭ يۇقىرى دەرىجىلىك ئەمەلدارى ئۇيغۇر رايونىدا خىتاي تىلىنى كېڭەيتىش ۋە تېررورىزمغا قارشى تۇرۇشقا چاقىرىق قىلدى
- ئەركىن ئاسىيا رادىيوسى ئۇيغۇر بۆلۈمى: خىتاينىڭ ئۇيغۇرلار ئۈستىدىكى شەپقەتسىز ھۆكۈمرانلىقىنىڭ زۇلمەتلىرىنى يېرىپ ئۆتكۈچى نۇر
- ئۇيغۇر كىشىلىك ھوقۇق قۇرۇلۇشى خەلقئارالىق مېھمانخانا زەنجىرلىرىنىڭ ئۇيغۇر رايونىدا كېڭىيىۋاتقانلىقىنى ئەيىبلەپ دوكلات ئېلان قىلدى