Хунәндә аптобус партлаш вәқәси йүз бәрди
2004.10.26
Америка бирләшмә агентлиқиниң хәвәр қилишичә, сәйшәнбә күни хунән өлкисиниң мәркизи чаңша шәһиридә бир аптобуста партлаш йүз берип, 40дин артуқ киши яриланған . Хәвәрдә ейтилишичә, яриланған йәттә кишиниң әһвали еғир икән .
Агентлиқниң хәвиридә билдүрүшичә, чаңша сақчи даирилири вәқә һәққидә мәлумат бериштин өзлирини қачурмақта. Шундақла шәһәрлик дохтурхана хадимлириму яридарлар һәққидә мәлумат бериштин өзлирини қачуруп, бу һәқтә шәһәрлик компартийә тәшвиқат бөлүминиң мәлумат бирәләйдиғанлиқини билдүргән . Лекин компартийә тәшвиқат бөлүми сәйшәнбә күни вәқә һәққидә мәлумат елиш үчүн қилинған телефонларға җавап бәрмигән . Хәвәрләргә қариғанда, партлаш сәвәбидин тохтитилған қатнаш қайтидин йолға қоюлған болуп, чаңша сақчи даирилири партлашниң сәвәбини тәкшүрүш үчүн алаһидә бир тәкшүрүш әтрити қурған . (Әқидә)