Xunende aptobus partlash weqesi yüz berdi

Amérika birleshme agéntliqining xewer qilishiche, seyshenbe küni xunen ölkisining merkizi changsha shehiride bir aptobusta partlash yüz bérip, 40din artuq kishi yarilan'ghan . Xewerde éytilishiche, yarilan'ghan yette kishining ehwali éghir iken .

Agéntliqning xewiride bildürüshiche, changsha saqchi da'iriliri weqe heqqide melumat bérishtin özlirini qachurmaqta. Shundaqla sheherlik doxturxana xadimlirimu yaridarlar heqqide melumat bérishtin özlirini qachurup, bu heqte sheherlik kompartiye teshwiqat bölümining melumat bireleydighanliqini bildürgen . Lékin kompartiye teshwiqat bölümi seyshenbe küni weqe heqqide melumat élish üchün qilin'ghan téléfonlargha jawap bermigen . Xewerlerge qarighanda, partlash sewebidin toxtitilghan qatnash qaytidin yolgha qoyulghan bolup, changsha saqchi da'iriliri partlashning sewebini tekshürüsh üchün alahide bir tekshürüsh etriti qurghan . (Eqide)