Шәншидики кан вәқәсидә 140 тин артуқ адәм кан астида қамилип қалди
2004.11.28
Хитайниң шәнши өлкисидики ченҗяшән көмүр канида йәкшәнбә күни шиддәтлик газ партлаш вәқәси йүз берип, аз дегәндә 25 адәм өлди,140 дин артуқ адәм кан астиға қамилип қалди. Бу қетимқи вәқә хитайда йеқинқи йилларниң ичидә йүз бәргән әң еғир бир қетимлиқ кан вәқәси болуп қелиши мумкин.
Америка бирләшмә ахбарат агентлиқиниң хәвиригә қариғанда, ченҗяшән көмүр кени хитай һөкүмитиниң игиликидики бир көмүр кан болуп, вәқә йүз бәргәндә кан астида мәшғулат елип бериватқан ишчиларниң сани 300ға йитидикән. Уларниң ичидин кан еғизиға йеқин җайларда ишләватқан 120 дин артуқ ишчи қутулуп чиқалиған. Нөвәттә 41 нәпәр ишчи карбун икки оксидтин зәһәрләнгәнликтин дохтурханиға елинған икән.
Хитай даирилири кан астида қамилип қалғанларни җиддий қутқузиватқанлиқини билдүргән болсиму, бу қетимқи вәқәдә өлидиғанлар саниниң аз болмайдиғанлиқи мөлчәрләнмәктә.
Хитайниң хенән өлкисидә өткән айда йүз бәргән бир қетимлиқ кан вәқәсидила 148 адәм өлгән иди. Хитай канлириниң бихәтәрлики кишиләрниң диққитини тартиватқан мәсилиләрниң бири. Нурғун тәнқидий қараштикиләр, хитай һөкүмитиниң пәқәт күнсери ешиватқан енергийә иһтияҗини қандурушни муһим орунға қоюп, канларниң бихәтәрликигә сәл қараватқанлиқини билдүрмәктә. (Арзу)
Мунасивәтлик мақалилар
- Хебийдики кан вәқәсидә өлгәнләрниң сани 57 гә йәтти
- Хебйдики төмүр кан вәқәсидә аз дигәндә 9 адәм өлди
- Хитайниң чоңчиң районидики бир чайханида партлаш йүз бәрди
- Хитайниң сичүән өлкисидики кан вәқәсидә аз дигәндә алтә адәм өлди
- Хунәндики аптобус партлаш вәқәсини садир қилған гуманлиқ киши байқалди
- Хунәндә аптобус партлаш вәқәси йүз бәрди
- Дапиң көмүрканидики партлашта өлгән адәм сани 122 дин ашти
- Дапиң көмүр кенидики партлаш вәқәсидә өлгәнләрниң сани 82 гә йәтти
- Хитайниң хенән өлкисидә йүз бәргән көмүркан партлаш вәқәсидә олгәнләрниң сани 66 гә йәтти
- Хенәндики бир көмүр кан вәқәсидә аз дигәндә 62 адәм өлди
Көп көрүлгән хәвәрләр
RFA
- Мәһмуд қәшқәри вә һүсәйин тәҗәлли һәйкилиниң чеқиветилгәнлики дәлилләнди
- Шинҗаң университетниң йүз йиллиқида немә үчүн мәктәпни “қизил избасарларни тәрбийәләш мәркизи” гә айландуруш тәкитләнди?
- Уйғурлар дуч кәлгән ирқий қирғинчилиққа аит йеңи китаб түркийәдә тарқитилишқа башлиди
- Хитай дипломатик органлири бу йиллиқ дөләт байримини тәбрикләштә йәнә “шинҗаң уссули” ни сәһнигә елип чиққан
- Хитайниң уйғур земинидики қезилма байлиқларни талан-тараҗ қилиш чарә-тәдбирлири көпәймәктә