Shenshidiki kan weqeside 140 tin artuq adem kan astida qamilip qaldi

2004-11-28
Élxet
Pikir
Share
Print

Xitayning shenshi ölkisidiki chénjyashen kömür kanida yekshenbe küni shiddetlik gaz partlash weqesi yüz bérip, az dégende 25 adem öldi,140 din artuq adem kan astigha qamilip qaldi. Bu qétimqi weqe xitayda yéqinqi yillarning ichide yüz bergen eng éghir bir qétimliq kan weqesi bolup qélishi mumkin.

Amérika birleshme axbarat agéntliqining xewirige qarighanda, chénjyashen kömür kéni xitay hökümitining igilikidiki bir kömür kan bolup, weqe yüz bergende kan astida meshghulat élip bériwatqan ishchilarning sani 300gha yitidiken. Ularning ichidin kan éghizigha yéqin jaylarda ishlewatqan 120 din artuq ishchi qutulup chiqalighan. Nöwette 41 neper ishchi karbun ikki oksidtin zeherlen'genliktin doxturxanigha élin'ghan iken.

Xitay da'iriliri kan astida qamilip qalghanlarni jiddiy qutquziwatqanliqini bildürgen bolsimu, bu qétimqi weqede ölidighanlar sanining az bolmaydighanliqi mölcherlenmekte.

Xitayning xénen ölkiside ötken ayda yüz bergen bir qétimliq kan weqesidila 148 adem ölgen idi. Xitay kanlirining bixeterliki kishilerning diqqitini tartiwatqan mesililerning biri. Nurghun tenqidiy qarashtikiler, xitay hökümitining peqet künséri éshiwatqan énérgiye ihtiyajini qandurushni muhim orun'gha qoyup, kanlarning bixeterlikige sel qarawatqanliqini bildürmekte. (Arzu)

Pikirler (0)
Share
Toluq bet