Xitaydiki bir kömür kanda yene partlash weqesi yüz berdi


2004.12.10

Xitayning senshi ölkisi yangchü'en shehiri etrapidiki bir kömür kénida jüme küni yüz bergen gaz partlash weqeside yene 33 adem öldi. Weqe yüz bergendin kéyin kan astida meshghulat élip bériwatqan ishchilarning 43 nepiri kan sirtigha qéchip chiqqan, qalghan 28 neper ishchi kan astida qélip ölgen.

Biraq kan üstige qéchip chiqqan ishchilarning 5 nepiri kan astida qalghanlarni qutquzush üchün, kan astigha qayta chüshkende hayatidin ayrilghan. Yéqinqi yillardin béri xitayda kömür kan weqeliride ölgen ademlerning sani kishini chöchitidighan derijige yetti. Ötken ayning axirliri shenshining chén jyashen rayonidiki bir kömür kénida yüz bergen gaz partlash weqeside 166 adem ölgen idi. Weqedin kéyin 300 din artuq xitay ziyalisi , xelq hoquqi pa'aliyetchiliri xitay hökümitige xet yézip, béyjing da'irilirining musteqil ishchilar uyushmisi qurushigha ruxset qilishni, shundaqla weqede mesuliyiti bar emeldarlarning jawapkarliqini sürüshtürüshni telep qilghan. Xitayning hökümet terep melumatigha asaslan'ghanda, ötken bir yil ichide xitay boyiche kömür kan weqeliride ölgen kishilerning nisbiti, tasadipi weqelerde ölgen kishiler omumi nisbitining ٪ 80 ni igilligen.(Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.