Sichu'ende gaz partlap 42 adem öldi


2005-12-23
Share

22 ‏-Dékabir küni sichüen ölkisidiki bir qurulush meydanida tebi'i gaz turbisining partlishi netijiside az dégende 42 kishi öldi, 11 kishi yarilandi.

Roétiris agéntliqining xewer qilishiche, weqe jyangyen bilen winchen sheherlirining otturisida yasliwatqan tash yol üstidiki tonilda meydan'gha kelgen bolup, ölgenlerning sani éshishi mumkin iken. Chünki weqe yüz bergen jayda qutquzush pa'aliyetliri dawam qiliwatidu. Xewerde éytilishiche, ölgen we yarilan'ghanlarning asasliq qisimi qurulushta ishlewatqan ishchilar iken.

Xitay dunyada ish üstide qazalar eng köp yüz béridighan dölet bolup, xitaydiki kömür kanlarda yüz béridighan partlash, ot kétish we su kirip kétish weqelirining özidila her yili 6000 etrapida kömür kan ishchisi qaza qilidu.

Xelq'ara emgek teshkilatining mölcherlishiche, 2001 ‏-yilida xitaydiki ish orunlirida 90 mingdin artuq qaza yüz bergen.

Bu arida xitay hökümiti, xitayda ötken 13 ay ichide yüz bergen 6 din köp kömür kan weqeside mes'uliyiti bar dep ikki aliy derijilik hökümet xadimi we 96 dölet kadiri üstidin délo turghuzghanliqini bildürdi. Mezkur kömür kan weqeliride 500 din artuq ishchi ölgen idi.(Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet