Шәндоңдики партлашта аз дегәндә 20 киши өлди


2006.04.02

Йәкшәнбә күни хитайниң шәндуң өлкисидики бир партлатқуч дора завутида патлаш йүз берип аз дегәндә 20 нәччә ишчи қаза қилған һәмдә йәнә 2 ишчи яриланған вә 9 иниң из-дерики тепилмиған.

Америка бирләшмә агентлиқиниң хәвәр қилишичә, партлаш шәндуңниң җав йүән шәһиридики 761‏- номурлуқ партлатқуч дора завутида йүз бәргән болуп, вәқә садир болғанда мәзкур завутта 31 нәпәр ишчи ишләватқан икән. Вәқәниң сәвәби техи ениқланмиған болуп, мунасивәтлик даириләр һазир буниң үстидин тәкшүрүш елип бармақта.

Буниңдин башқа йәнә шәнбә күни шәнши өлкисидики бир салйот ясаш завутидиму партлаш йүз бәргән. Бу вәқәдә 8 киши қаза қилип, бириниң из-дерики тепилмиған. Хитайда бихәтәрлик мәсилилиригә четилидиған партлаш вәқәлири көп йүз берип туридиған болуп, болупму кан партлаш һадисилири нурғун ишчиларниң җениға замин болмақта. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.