Shendongdiki partlashta az dégende 20 kishi öldi

Yekshenbe küni xitayning shendung ölkisidiki bir partlatquch dora zawutida patlash yüz bérip az dégende 20 nechche ishchi qaza qilghan hemde yene 2 ishchi yarilan'ghan we 9 ining iz-dériki tépilmighan.

Amérika birleshme agéntliqining xewer qilishiche, partlash shendungning jaw yüen shehiridiki 761‏- nomurluq partlatquch dora zawutida yüz bergen bolup, weqe sadir bolghanda mezkur zawutta 31 neper ishchi ishlewatqan iken. Weqening sewebi téxi éniqlanmighan bolup, munasiwetlik da'iriler hazir buning üstidin tekshürüsh élip barmaqta.

Buningdin bashqa yene shenbe küni shenshi ölkisidiki bir salyot yasash zawutidimu partlash yüz bergen. Bu weqede 8 kishi qaza qilip, birining iz-dériki tépilmighan. Xitayda bixeterlik mesililirige chétilidighan partlash weqeliri köp yüz bérip turidighan bolup, bolupmu kan partlash hadisiliri nurghun ishchilarning jénigha zamin bolmaqta. (Peride)