Сәнши өлкисидә бир деһқанниң торалғусида партлаш йүз берип 47 адәм өлгән


2006.07.07

Ройтрс агентлиқниң бейҗиңдин хәвәр қилишичә, 7 ‏- айниң 7 ‏- күни сәнши өлкиси вунйң наһийисиниң доңзәй мәһәллисидә бир деһқанниң торалғусида партлаш йүз берип 47 аәм өлгән, 28 адәм яриланған.

Шинхуа агентлиқниң ениқлишичә, доңзәй мәһәллисидә җүмә күни әтигәндә бир деһқанниң торалғусиға от кәткән. Нәх мәйданға от өчүрүш үчүн көп адәм келип топланғанда, дәһшәтлик партлаш йүз берип 47 адәм өлгән, 28 адәм яриланған. Йәрлик даириләрниң билдүришичә, бир деһқанниң өйигә от кәткәндин кейин өйдә сақлиниватқан партлатқуч дорилири партлиған.

Хәвәр ейтилишичә, буниңдин бурун, бу өлкидики юәнпиң шәһиридә буйил 4 ‏- айда йүз бәргән көмүр кан партлаш вәқәсидә 33 адәм өлгән иди. 6 ‏- Айдиму бир алтун кан бар мәһәллидә, йәрлик усулда ясиған партлатқуч дорилири партлап кетиш һадисси йүз берип 10 деһқан һаятидин айрилған иди. Һазир хитай йезилирида кан ечиш вә яки башқа мәқсәт үчүн партлатқуч дориси қоллунуш наһайити омумлашқан. Партлаш дорилириниң һәммиси бихәтәр орунда сақланмайду. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.