Шенҗинниң футйән шазуй кәнтидә йүз бәргән партлашта икки нәпәр үсмүр қаза қилди


2007.01.04

Шенҗин шәһириниң футйән шазуй кәнтидә чаршәнбә күни партлаш йүз берип, икки нәпәр оғул һаятидин айрилған.

Хоңкоң мәтбуатлири, футйән шазуй кәнт аһалисиниң сөзини нәқил кәлтүрүп, вәқә йүз бериштин бурун алақидар орунларниң телефун тәһдити тапшуруп алғанлиқини, кочиға қоюп қоюлған бомбиниң дәл шулар тәрипидин партлитилғанлиқини қияс қиливатқанлиқини билдүргән.

Шенҗин сақчилири өткән йили 130 миң адәм қетим сақчи күчи ишлитип, чарлаш, мүрәккәп мәйданларни тәкшүрүш, киралиқ өйләрни ахтуруш қатарлиқларни өз ичигә алған 3" ни тәкшүрүш" һәрикити елип берип, қанунсиз тиҗарәт елип бериватқан машинидин нәччә он миңни мусадирә қилған икән. Шуңа кишиләр бу қетимқи партлаш вәқәсиниң сақчиларниң шу қетимлиқ һәрикитиниң бир қисим гуроһларниң мәнпәәтигә зиян йәткүзгәнлики сәвәбидин мәйданға кәлгәнликини қияс қилидикән.

Сақчилар нөвәттә партлаш йүз бәргән мәйдан әтрапини пүтүнләй қоршап, тәкшүрүш елип бармақта.

Көзәткүчиләрниң билдүрүшичә, хитай һөкүмити, адәттә уйғур елида йүз бәргән партлаш вәқәлирини, террорлуқ һуҗум дәп елан қилип, хитай өлкилиридә йүз бәргән партлаш вәқәлирини һечқачан террорлуқ һуҗум дәп қаримайдикән. (Әқидә)

© 2007 Radio Free Asia

Мунасивәтлик мақалилар

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.