Shénjinning futyen shazuy kentide yüz bergen partlashta ikki neper üsmür qaza qildi

Shénjin shehirining futyen shazuy kentide charshenbe küni partlash yüz bérip, ikki neper oghul hayatidin ayrilghan.

Xongkong metbu'atliri, futyen shazuy kent ahalisining sözini neqil keltürüp, weqe yüz bérishtin burun alaqidar orunlarning téléfun tehditi tapshurup alghanliqini, kochigha qoyup qoyulghan bombining del shular teripidin partlitilghanliqini qiyas qiliwatqanliqini bildürgen.

Shénjin saqchiliri ötken yili 130 ming adem qétim saqchi küchi ishlitip, charlash, mürekkep meydanlarni tekshürüsh, kiraliq öylerni axturush qatarliqlarni öz ichige alghan 3" ni tekshürüsh" herikiti élip bérip, qanunsiz tijaret élip bériwatqan mashinidin nechche on mingni musadire qilghan iken. Shunga kishiler bu qétimqi partlash weqesining saqchilarning shu qétimliq herikitining bir qisim gurohlarning menpe'etige ziyan yetküzgenliki sewebidin meydan'gha kelgenlikini qiyas qilidiken.

Saqchilar nöwette partlash yüz bergen meydan etrapini pütünley qorshap, tekshürüsh élip barmaqta.

Közetküchilerning bildürüshiche, xitay hökümiti, adette Uyghur élida yüz bergen partlash weqelirini, térrorluq hujum dep élan qilip, xitay ölkiliride yüz bergen partlash weqelirini héchqachan térrorluq hujum dep qarimaydiken. (Eqide)