Xitay yéngi pasport qanuni élan qildi

Xitay axbarat torlirining uchurliridin qarighanda, 2007-yili, 1-ayning 1-kunidin étibaren yéngi pasport qanunini küchke ige qilidiken.

Qanun boyiche pasportqa iltimas qilidighan kishi nopus, salahiyet guwahnamisi qatarliq munasiwetlik matériyallarni teyyarlishi kérek bolup, addiy pasportning béjirilish waqti ilgirikidin qisqartilip, 15 kün'ge chüshürülgen.

Buningdin bashqa yene ademlerning yash ölchimige bina'en pasportning yil ölchimi her xil bolghan. Mesilen 16 yashtin töwenlerning pasport mudditi 5 yil bolsa, 16 yashliqtin yuqurilargha 10 yil bolghan shuningdek yene pasport uzartish emeldin qaldurulghan.

Xewerlerdin qarighanda, 2006-yili pütün xitay boyiche 3 milyon 920 ming adem pasportqa iltimas qilghan bolup, hazir 20 milyon ademning pasporti bar iken. Biraq, yéqinqi waqitlardin buyan Uyghur élining bezi jaylirida Uyghurlarning pasportlirini yighiwélish ehwalliri yüz bergen bolup, Uyghurlarning pasport élishi tesrek iken. (Ümidwar)