Хитайниң пай базирида йүз бәргән апәт характерлик төвәнләшниң сәвәби немә?


2007.02.28
Share on WhatsApp
Share on WhatsApp

Хәлқарада икки күндин буян, 27 ‏- феврал күни хитайниң пай базирида йүз бәргән апәт характерлик төвәнләш вәқәси вә униң сәвәблири һәққидики мулаһизиләр болуватиду. Б б с ниң хәвәр қилишичә, хитайниң пай базирида 27 ‏- феврал күни йүз бәргән апәт характерлик төвәнләш вәқәси һазир дуня пай базирида 10 йилдин буян йүз бәргән әң чоң апәт характерлик төвәнләш дәп қаралмақта.

Мушу бир күн ичидә, хитайниң дөләт игиликидики ширкәтлириниң пай чеки 600 точкидин артуқ, бәзи хоңкоң пай чәклири һәтта бир миң точка чүшүп кәткән. японийә, сингапор, малайшия, филипин, австралийә һәтта әнгилийә, америкиларму бу "апәт" ниң тәсиригә учриған. Гәрчә 28 ‏- феврал күни хитайниң пай базирида қайтидин наһайити зор күч билән юқири орләш көрүлгән болсиму, әмма йәнила апәтни қаплаштин техи йерақта.

Хитайниң пай базирида йүз бәргән апәт характерлик төвәнләш вәқәсини, хитайдики фучаң пай чеки тиҗарәт орниниң мудири йән чаңниң мулаһизә қилишичә, бу вәқә һөкүмәтниң пай базиририни контрол қиливелиштин қол үзмигәнлики, пай базириниң базар игиликиниң йетәкчиликидә болушини тосувалғанлиқи, бәзи ширкәтләр өзиниң пайлирини пурсәтпәрәслик қилип сатқанлиқи қатарлиқ әқилға мувапиқ болмиған вастилар сәвәбидин пәйда болған. Әмма ғәрбниң мәбләғ салғучилири болса, бу асасән хитайниң иқтисадидики "мазғап шарлар" тешилип кәткәнликтин болған дәп қаримақта вә буниң ақивитидин әндишә қилмақта. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.